غیر مہذب کہیں کا

غیر مہذب کہیں کا !!!!

صاف ستھرے کلف لگے کپڑوں میں ملبوس ، فرانسیسی پرفیوم کی خوشبو سے معطر  ، کلائی میں قیمتی گھڑی  باندھے ، پیروں میں اٹالین جوتے پہنے  ، ڈائیس میں کھڑے ہوکر نہایت ہی ادب و اخلاق و دھیمے انداز میں  عوام سے مخاطب  ، جب  کچھ موسم کی گرمی اور کچھ سیاست کی تپش   سے ان کی پیشانی  پر پسینے کے قطرے نمودار ہوں ، تو   جیب سے ایک عدد معطر و ململ صاف ستھرا رومال برآمد ہوتا ہے جو نہایت ہی تہذیب کے ساتھ ان قطروں کو اپنے آپ میں جذب کرلیتا ہے ۔  ٹھیک اسی لمحے پنڈال سے نیچے موجود ہزاروں محبان لیڈر اپنا  بازو اپنی پیشانی تک لاتے ہیں اور آستینوں سے اپنا پسینہ رگڑ ڈالتے ہیں ۔۔

منظر بدلتا ہے ۔۔۔۔ ڈایس پر ایک شخص سفید لٹھے میں ملبوس کھڑا ہے ۔ جس کا کلف اتر چکا ہے ،   یہاں تک کہ یوں محسوس ہوتا ہے جیسے کپڑے ابھی ابھی کسی گٹھڑی سے نکال کر پہن لیے ہوں ۔ خوشبو کا کیا پتہ ہوگا ؟ ۔۔  پیروں میں سڑک چھاپ کھیڑیاں ہیں ۔ بال بکھرے ہوئے ۔  موسم کی حدت جذبات کی تپش اس  کی پیشانی بھی نمکین پسینے سے تر کردیتے ہیں ۔ لمحہ ضایع کیے بغیر اس کا بازو بلند ہوتا ہے اور آستیں میں پسینہ رگڑ دیتا ہے ۔

اف ہے ناں سڑک چھاپ ، بد تہذیب ، انسان ۔

جو کام مہذب  و مدبر لیڈر کے  خطاب کے دوران زمین پر بیٹھے غیر مہذب لوگ سر انجام دیتے ہیں ویسا مظاہرہ یہ ڈایس پہ کھڑے ہوکر کر رہا ہے ۔

غیر مہذب کہیں کا ۔۔

:)     

شہیر شجاع ۔۔۔