نفس انسانی

انسان کے لیے کسی دوسرے انسان پر احسان کرنا زیادہ آسان ہے بنسبت خدا کو ماننے کے ۔ کیونکہ احسان کرنے میں نفس کی تسکین ہے اور خدا کو ماننا نفس پر بار ہے ۔ 

 

شہیر 

 

آج کا آدمی

 

آج کا آدمی

 شہیر

 یہ ایک ایسا دور ہے جہاں مسلمان معاشرے کا  زوال مسلسل ہے ۔ ذہنی پسماندگی کی اس سے بہتر مثال اور کیا ہوسکتی ہے کہمجموعی رویہ استہزائیہ ہے ۔ اور یہ رویہ عقل کلی کی غمازی کرتا ہے ۔ عقل کلی کا احساس پیدا ہونا ہی اس بات کی دلیل ہے کہعلمی سطح کس قدر سطحی ہے ۔

مسلمان کی علمی تاریخ جس قدر بھی پہنچی غنیمت ہے بعد از تاریخ ہلاکو خان و فرڈیننڈ ۔ سوال یہ ہے کہ “میں” نے علوم کو یکجا اورمرتب کرنے میں کتنی تندہی دکھائی ؟ آج کا آدمی تو اتنا کاہل ہے کہ ایک ناول تک کا معیار نہیں پیدا کرسکا آپ ایسے آدمی کی دانشپر اپنا مضحکہ اڑاتے ہو اور تعمیر کی تدبیر سے اپنی ذات کو مبرا کرتے ہو ؟

تاریخ کے ساتھ رویہ ایسا ہے جیسے وہ اور لوگ تھے ہم نہیں تھے ۔ المیہ یہ ہے کہ تاریخ کو خلفاء راشدین کے معیار پر پرکھا جاتا ہےپھر کہا جاتا ہے کہ “ بی پریکٹیکل “ ۔ سب سے پہلے تو یہ بات سمجھنی ہوگی کہ چودہ سو سالہ تاریخ میری اپنی ہے ۔ خلفاء راشدینکا آدمی بھی میں ہوں ، اموی بھی ، عباسی بھی ، عثمانی بھی ، مملوک بھی ، فاطمی بھی ، اندلس بھی ، تیمور بھی ، نادر شاہ بھی، سلاجقہ بھی اور غلاماں و بلبن بھی ، لودھی بھی مغل بھی ابدالی بھی ، سمیت ان تمام اثبات و انکار کے جو اس دوران وقوع پذیرہوئے ،اور آج کا آدمی بھی ۔ جدید دنیا کی تعبیر یقینا یورپ کی ترقی کا نام ہے اس کا مطلب یہ نہیں کہ اس جدید دنیا کی بنیادیاینٹوں میں “ میں “ شامل نہیں ہوں ۔ علم جہاں سے ملے وہاں سے حاصل کرو کا فلسفہ ہی یہی ہے کہ اس کو حاصل کرنے کے بعد اسمیں انفرادیت پیدا کرنا ۔ جب “ میرا “ عروج تھا تو “ میں “ نے اہل یونان و اہل ہند و چین جہاں سے علم ملا حاصل کیا اور اپنیانفرادیت قائم کی ۔ جب تک میرا عروج رہا میرے نام کا ڈنکا بجتا رہا ۔ یورپ نے مجھ سے سیکھنے میں شرم نہیں کی اور اپنے عروج کےساتھ اپنی انفرادیت قائم کی ۔ یہ ان کا دور ہے اسے  قبول کرنا چاہیے اور اس میں مہارت کی سعی اور مجاہدہ کرنا چاہیے ۔ دنیاقوموں کے عروج و زوال کی تاریخ ہے ۔ المیہ مسلمان کا یہ ہے کہ وہ بنا منزل کے گھوڑے دوڑانے پر مصر ہے ۔ جس کے پاس آج اپنے آپکو ہی دکھانے کو کوئی تہذیب نہیں کیونکہ وہ تو اپنے آپ کو نیا آدمی تصور کرتا ہے ۔” آئینے میں اپنی شبیہ نظر آئے تو شرمندگیہوتی ہے یا جوش پیدا ہوتا ہے اور اس کا ثمر عبرت یا ولولہ ہے “ ۔جب آئینے کی جگہ سنیما ہو تو کیا کہا جا سکتا ہے ؟ مرعوب ذہن کےساتھ اپنے آپ کو اس ہزار سالہ آدمی سے الگ تصور کرنا بذات خود آدمی کی موت ہے اور آدمی کی موت تہذیب کی موت ہے ۔ ہر دورمیں نیا آدمی نہیں پیدا ہوتا بلکہ وہی آدمی حالت ترقی یا حالت کسمپرسی میں ہوتا ہے بقیہ اس کے احوال ہیں ۔

 

انسان اور وبا

انسان اور وبا 

شہیر شجاع 

 کرونا کی آڑ میں انسانیت سوزی کے پہ در پہ واقعات جب پیش آئیں تو پھر ایسی پیش بندیوں سے یقین اٹھنا بے جا نہیں ہے ۔ وبا کاہونا یقینی ہے سب جانتے ہیں مگر اس کے سدباب یا اس سے حفاظت کے لیے جو اقدامات کیے گئے ، ان اقدامات نے جہاں انسانیتسوزی کے دلدوز واقعات کا مشاہدہ کیا وہیں اس نظام سے نفرت اور  انسان دشمن ہونے پہ مہر ثبت کردی ۔ 

یہ نظام بالائی طبقے کی بہبود کو مد نظر رکھ کر تشکیل دیا گیا ہے اور اس مشکل وقت میں بھی اسی کو مرکز نگاہ رکھا گیا ۔ ذراآس پاس نگاہ دوڑائیں کتنی جانیں وبا کے نام پر تلف ہوئیں ۔ اور کتنے انسان اپنے گھروں کو پہنچنے کی خواہش میں رستے میں بدحالموت مرے ۔ نہ جانے کتنوں نے اپنی جانیں خود اپنے ہاتھوں تلف کرڈالی ہوں ۔ 

لاکھوں لوگ بے روزگار ہوگئے اور ان میں نہ جانے کتنے جرائم پیشہ ہوجائیں اور پھر کسی جرم کی پاداش میں کسی سڑک پر مارےجائیں یا زندگی جیلوں میں گزاریں ۔ یعنی اس طبقے کے لیے کوئی ریلیف نہیں ہے ۔ اور گھروں میں دبکے ٹسوے بہاتے لوگوں کی گالیاںبھی وہی کھا رہے ہیں ۔ 

 

یہ وہ  نظام ہے جہاں “انسان “ کی موت ہے ۔ 

 

یہ حادثہ نہیں اجتماعی قتل تھا ۔

زندگی اور موت کے درمیان فاصلہ کتنا ہے ؟ 

جواب ملے گا اگلے لمحے کا کیا بھروسہ ۔ یہ ایک یقین ہے تصور ہے خیال ہے یا عقیدہ ۔ بہرحال ایک ذہنی مسلمہ ہے ۔ مگر انسان کےاحساس سے احوال میں شامل نہیں ہے ۔ یہی وجہ ہے کہ مہلت کی پیچیدگیوں میں غلطاں انسان انجان منزلوں کی جانب رواں دواں ہے۔ ابھی اک وبا کا زور ہے یا شور پتہ نہیں ۔ کیونکہ مرض کے ہونے پہ تو یقین ہے پر اس کی تباہی کی صورتحال معلوم میں پیچیدہ ہے ۔ایک غیر یقینی صورتحال ہے ۔ ساری دنیا کی معیشت لپیٹ دی گئی ہے ۔ جو میڈیا انسان کی کٹی پھٹی لاش دکھاتے ، دلسوز و جگرپاش مناظر دکھانے سے نہیں شرماتا وہ بھی اس وبا کے متاثرین کو دیکھنے سے قاصر ہے ۔ دنیا وبا سے کیا متاثر ہوتی اس “ شور “ نے ذہنی و روحانی طور پر مفلوج کرنے میں کوئی کسر نہیں چھوڑی ۔ ایسے میں جو کام کرنے کے ہیں اسی میں اتنی نا اہلی ہے اورذمہ داری سے گریز ہے جہاں آئے روز انسانی جان محض غیر ذمہ داری کی وجہ سے زمین برد ہوجاتی ہے ۔ کبھی سڑک پر تڑپ تڑپکر تو کبھی اگر ہسپتال میسر آجائے تو اس کے بستر میں سسک سسک کر ۔ تو کبھی جل کر راکھ ہوکر ۔ نہ کوئی مجرم ہے نہ کوئیمسیحا ۔ سب ہی مریض ہیں سب ہی ملزم ۔ 

ان خوابوں سے سجی ہوئی آنکھوں کو بے نور کس نے کیا ؟ ان امنگوں بھرے دلوں کی دھڑکنیں کس نے بند کیں ؟ عید جیسی خوشیایسی وبائی شور کی ذہنی و روحانی اذیتوں سے نکل کر اگر اپنوں میں محسوس کرنے کی خواہش کرلی تو کیا برا کیا ؟ 

یہ حادثہ نہیں تھا یہ قتل تھا اجتماعی قتل ۔ 

 

خوابوں کا کھڑاگ

شہیر شجاع

میں نے انجینئر بننا ہے ۔ میں تو ڈاکٹر بنوں گا ، نہیں بھئی میں تو اکنامکس پڑھوں گا کیونکہ بابا کہتے ہیں بڑے آدمی بڑا سوچتے ہیں۔۔ اور وہ چاروں زور سے ہنس پڑے ۔ اور میں پائلٹ بنوں گا ۔ ندیم جو خاموشی سے ان کی باتیں سن رہا تھا قہقہوں کے درمیان اپنےدل کی بات کہہ بیٹھا ۔ بھئی بڑے ٹھاٹھ ہوتے ہیں پائلٹ کے ۔ 

اکثر یہ دوست بیٹھے اسی طرح اپنے مستقبل کی پلاننگ کرتے اور دلوں میں امنگیں اور آنکھوں میں خواب سجائے اپنے اپنے گھروں کوروانہ ہوجاتے ۔ 

دن گزرتے گئے سب اپنی اپنی زندگیوں میں آگے بڑھتے گئے اور ندیم بھی کالج میں آگیا ۔ جہاں صبح و شام اسے اپنے خواب کی تکمیلکے لیے اچھے گریڈ کا ڈراونا بھوت دکھائی دیتا جسے اس نے مر کر جی کر حاصل کرنا تھا ۔ ورنہ اس کا اونچائیوں میں اڑنے والاخواب ادھورا رہ جاتا یہ خیال ہی اسے مایوس کردیتا ۔

ندیم ایک متوسط گھرانے کا فرد جہاں بمشکل گھر کے اخراجات پورے ہوتے ۔ اس کے آس پاس ماحول بھی حوصلہ افزا نہ تھا مگر وہیماحول اسے احساس دلاتا تھا کہ زندگی ان کوٹھیوں میں ہے ان محلؔوں میں نہیں ۔ اکثر اس موضوع پہ اس کی عرفان سے بحث بھیہوجاتی جو اس سے متفق نہیں تھا ۔ 

ندیم نے محنت جاری رکھی ۔ محرومیوں اور خواب کا تال میل اسے مزید قوت فراہم کرتا اور وہ منزل بہ منزل آگے بڑھتا گیا ۔ یہاں تککہ ایک دن جہاز کا کاک پٹ اس کے حوالے تھا ۔ اس دن تو اس کی خوشی کا کوئی ٹھکانہ نہیں تھا ۔ اس کے والدین نے اس کے لیےخصوصی عبادتوں کا اہتمام کر رکھا تھا اس کے دو چھوٹے بھائی بہن بھی خوشی سے پھولے نہ سما رہے تھے کہ ان کے بھائی ابجہاز اڑائیں گے ۔ اس نے وردی پہنی اور والدین کی دعائیں لیتا ان کی آنکھوں میں خوشی کے آنسو چھوڑتا نکل گیا ۔ 

وہی دن ہیں وہی موسم ہے مگر وقت بدل گیا ہے ۔ الارم کی آواز سے ہڑبڑا کر اٹھ بیٹھا ۔ شاور سے فارغ ہوکر اپنی وردی پہنی اسدوران وہ کوئی گیت گنگناتا رہا ۔ نیچے بیگم بیٹی ڈائننگ پہ اس کا انتظارکر رہے تھے ۔ 

پاپا پچھلی مرتبہ بھی آپ کا شیڈیول نہیں بنا تھا اور ہم کہیں گھومنے نہیں تھے ۔ اب پھر میری چھٹیاں ہونے والی ہیں ۔ اب تو آپ کےبہانے نہیں چلیں گے ۔ 

سدرہ جو دل میں غصہ لیے بیٹھی تھی ۔ پاپا کو دیکھ کر نکال بیٹھی ۔

ٹھیک ہے بیٹا میں ابھی سے چھٹیوں کی درخواست دے دیتا ہوں ۔ ویسے بھی ہمارے جہاز آج کل ٹھیک نہیں رہتے ۔ کسی طرح چھٹیاںپکی کرلوں تو ہم چلتے ہیں کہیں باہر ۔

میں تو پیرس جاوں گا ورنہ میں نہیں جاوں ۔ 

بیگم کی تو لاٹری نکل پڑی ۔

ندیم کا قہقہہ بلند ہوا ۔ ہاں ٹھیک ہے پکا ۔

اس نے منہ پونچھا ، بیٹی کو پیار کیا بیگم کو الوداع کہا ۔ اور باہر گاڑی اسٹارٹ کی اور ائر پورٹ کے جانب روانہ ہوگیا ۔ 

باہر موسم بہت سہانا تھا ہلکے بادل چھائے ہوئے تھے ۔ صاف ستھری سڑکیں ۔ دونوں جانب خوبصورت بنگلے ، ہلکی پھلکی ہریالی اسنے گاڑی کا سی ڈی پلئر آن کردیا ۔ موسم اور موسیقی کے امتزاج سے لطف اندوز ہوتے ہوئے ائر پورٹ پہنچا ۔ 

اس کا عملہ مستعد تھا اور وہ کاک پٹ میں بیٹھا مستقبل کی منصوبہ بندیاں کر رہا تھا ۔ 

کئی مرتبہ اس نے اپنے عہدیداران سے شکایت کی تھی کہ جہاز میں تکنیکی مسائل ہیں پر انہیں اب تک مکمل طور پر درست نہیں کیاگیا تھا ۔ آج بھی ویسی ہی صورتحال تھی پر اب وہ عادی ہوگیا تھا ۔ خیال یہی تھا کہ جیسے پہلے سفر مکمل ہوتا رہا اب بھی ہوتارہے گا ۔ 

فلائٹ تیار تھی ۔ وقت مقررہ پر اسے سگنل ملا اور اس نے جہاز کو رن وے پہ سرکادیا ۔ اب وہ ہوا میں بلند تھا بظاہر سب ٹھیک تھا ۔ہزاروں فٹ کی بلندی میں اس کی معیت میں کوئی سو مسافر اور تھے جن کی آنکھوں میں کئی خواب انگڑائی لے رہے تھے اور انخوابوں میں ڈولتے اپنے آپ میں ہی وہ چشم تصور میں مسکراتے جو ان کی آنکھوں سے عیاں ہوجاتی ۔ ان سب نے مہنگا ذریعہ سفراختیار کیا تھا ، اسباب مختلف ہوسکتے ہیں مگر مقصد ایک ہی تھا کہ منزل پہ پہنچنا ہے ۔ یہ ذریعہ سفر ان میں اکثر کے اسٹیٹس کےلیے بھی ضروری تھا ۔ 

ندیم نے مسافروں کو بیلٹ باندھ لینے کا مشورہ دیا کہ اب بس وہ منزل مقصود تک پہنچنے لگے تھے ۔ سارے مسافروں میں خوشی کیلہر دوڑ گئی اور وہ بیلٹس باندھنے لگے ۔ پورے جہاز میں کھڑاک کی آواز گونج گئی ۔ 

ابھی یہ آوازیں خاموش ہی ہوئی تھیں کہ جہاز ڈگمگانے لگا اور گڑگڑاہٹ کی آواز سے جہاز لرزنے لگا ۔ جہاز ندیم کے قابو سے باہرہونے لگا تھا ۔ پہلے چھوٹے مسائل نے سر اٹھایا اور رن وے سے چند میٹر پہلے کے دونوں انجنوں نے کام کرنا بند کردیا ۔ جہاز میں اللہاکبر ، کلمہ طیبہ کی صدائیں اک خوفناک کرب کی آویزش کے ساتھ پھیلی ہوئی تھیں ۔ ندیم کے دل کی دھڑکنیں بے قابو ہورہی تھی ۔اس کی آنکھوں کے سامنے بیگم اور سدرہ کی تصویریں فلم کی طرح چل رہی تھیں ۔ 

اور ایک دھماکے کے ساتھ وہ ساری فلمیں ، وہ سارے خواب ، وہ ساری خواہشیں جل کر راکھ ہوگئی۔ ۔ 

خواب دکھانے والوں نے سو جانیں جلا کر راکھ کردی تھیں ۔ 

 

استحصال اور عورت

استحصال اور عورت
شہیر شجاع

حقوق نسواں کے ضمن میں میڈیا کی حساسیت کا اندازہ اس بات سے لگالیں کہ اس موضوع پر بھانڈوں کو آپس میں پھبتیاں کسنے پہ جمع کر رکھا ہے ۔  یہ موضوع جن کے لیے حساس ہے ان کو نہ کبھی کسی نے پوچھا اور نہ جانا ۔ اور نہ ہی اس کے حل کی جانب کوئی بھی ٹھوس  اقدام تو دور “ رائے “ تک سامنے نہیں آتی ۔ ورنہ اس معاشرے میں
ہماری عورت کا جو استحصال ہوتا آرہا ہےسن اور دیکھ کر روح کانپتی ہے ۔ یہ عورت مارچ والی برگر خواتین تو بس اتنا جانتی ہیں جو خبروں میں آتا ہے ۔ کسی خاتون کا چہرہ جھلسا دیا ، زنا بالجبر ، یا زبردستی شادی  وغیرہ ۔ ان کے جو شکوے ہیں اس کا حل وہ یہی چاہتی ہیں کہ وہ مذہب و تہذیب کے بندھن سے آزاد ہوجائیں ۔ شاید سماج کا وہ برگر طبقہ ہوچکا ہے بس “ سر عام “ ہونا چاہتا ہے ۔ بے راہ روی کے لیے قانونی تحفظ چاہتا ہے ۔
حقیقی استحصال شدہ معاشرہ ان کے لیے ایک ایسا “ ٹول “ ہے جو ان کے پس پردہ عزائم کو تکمیل تک پہنچانے کے لیے دلیل بنتا ہے ۔
میری وہ عورت جس کا صبح و شام استحصال ہوتا ہے اس کا نہ کل کوئی والی تھا نہ اب کوئی وارث ہے ۔
عورت مارچ والوں کے پاس یقینا ایک نظریہ ہے اور وہ حقیقتا “ میرا جسم میری مرضی “ کرنا چاہتی ہیں ۔
حیا مارچ والوں کو مارچ کے بجائے سماج کو شعور دینے کی جانب توجہ کرنے کی ضرورت ہے ۔ اس استحصال شدہ عورت کو تحفظ دینا اور ان عوامل کی نشاندہی کرنا جس سبب سے وہ تہذیب و مذہب کی بیڑیوں میں جکڑی استحصال کو سہتی جاتی ہے اور راتوں کو سجدے میں گر کر “ اللہ جل شانہ “ کے آگے روتی ہے ۔ کہ اسے اس صبر کا اجر عطا فرمائے ۔ اس کے سوا اس کے دامن میں اور ہے ہی کیا ؟
وہ ایسے حساس مقام پر کھڑی ہے جہاں ذرا پیر لچکا اور وہ ان گہری کھائیوں میں جا گری جہاں برگر خواتین  کی تھپکیاں اسے “ کامیاب “ عورت کے زعم میں مبتلا کردیں ۔

اسمارٹ فون اور شعور

اسمارٹ فون اور شعور

شہیر شجاع

اسمارٹ فون ایک ایسا آلہ ہے جو ساری دنیا میں تقریبا ہر انسان کے زیر استعمال ہے ۔ اور ہر شخص انفرادی طور پر اپنے افادات وترجیحات و ذوق کے پیش نظر اس کا درست و غلط استعمال کر رہا ہے ۔ اگر ہم پاکستانیوں کی بات کریں تو محسوس ہوتا ہے مجموعیطور پر اس آلے نے ہمارے مجموعی شعور کی تنزلی کو خوب عیاں کیا ہے ۔ 

میں بہت سے رویوں میں سے دو ریوں کا ذکر کروں گا۔ ایک تو وہ جب نواز شریف یا دیگر سیاستدان  پاکستان سے باہر تشریف لےجاتے ہیں تو وہاں عوام سیل فون ہاتھوں میں لیے نازیبا نعروں سے ان کا استقبال کرتے پائے جاتے ہیں ۔ یہ ہمارے اخلاقی و شعوریگراوٹ کی انتہا ہے کہ ہم مذہبی تو دور قومی غیرت سے بھی ہاتھ دھو کر ذاتی نفرتوں کے خوگر ہوچکے ہیں ۔ 

دراصل ان سطور کے لکھنے کا سبب ایک ویڈیو بنی جس میں کوئی “ غیرت مند “ پاکستانی ، حامد میر صاحب کو ائر پورٹ میں ذلیلکرنے پہ تلا ہے ۔ دل پہ چوٹ سی لگی ۔ کیونکہ انسان کو سب سے زیادہ اور شدید ترین چوٹ تب لگتی ہے جب اس کی عقیدت یاوفاداری پہ شبہ کیا جائے ۔ پھر سونے پہ سہاگہ اس کے اپنے ہی لوگ سر راہ اس انسان کو رسوا کرنے لگیں ۔ 

اختلاف گھر کے اندر ہوتا ہے ۔ احتجاج ہو غصہ ہو ناراضی ہو یہ سب گھر کے اندر آپس کے معاملات ہوتے ہیں ۔ اس میں اختلاف رائےتک ہی بات رہنی چاہیے ۔ اور غیرت تو کسی بھی طرح اس بات کی اجازت نہیں دیتی۔